എന്റെ സ്വപ്നം

എന്റെ അടുത്ത സുഹൃത്തായ നടി മഞ്ജു വാര്യർ അത്യാവശ്യമായി കാണണം എന്ന് ഫോണിൽ വിളിച്ചതുകൊണ്ടാണ് ഞാൻ  അവരെ കാണാൻ ഹോട്ടലിൽ എത്തിയത് . മഞ്ജു പറഞ്ഞത് അനുസരിച്ച് അവരുടെ റൂമിൽ എത്തി  അന്വേഷിച്ചപ്പോൾ  മഞ്ജു അകത്തുണ്ട്   കയറി ഇരിക്കാൻ അവരുടെ സെക്രട്ടറി എന്നോട് പറഞ്ഞു . ഞാൻ അകത്തു കയറി  മാഗസിൻ വായിച്ചിരിക്കുകയായിരുന്നു  . 10 മിനിറ്റ് കഴിഞ്ഞു കാണും പെട്ടന്ന് വാതിൽ തള്ളി തുറന്നു ഒരു കൂട്ടം പോലീസ് അകത്തു കടന്നു, സെക്രട്ടറി എന്ന് പറഞ്ഞവൻ,  "ദേ ഇവളാ ഇവിടുത്തെ തീവ്രവാദി   സംഘടനകളെയെല്ലാം  ഹെല്പ് ചെയ്യുന്നത് " എന്ന് ഉറക്കെ പറഞ്ഞു  .ഈശ്വരാ .....എന്ത് ചെയ്യണം എന്നറിയാതെ ഞാൻ  പകച്ചു നിന്നുപോയി  :( 
   ഞാൻ ഒരു രാജ്യ സ്നേഹിയാണ് എന്നൊക്കെ പറയാൻ ശ്രമിക്കുന്നുണ്ടെങ്കിലും ശബ്ദം  പുറത്തേക്കു വരുന്നില്ല . എല്ലാ മാധ്യമ പ്രവർത്തകരും എന്നെ വളഞ്ഞു നില്പ്പുണ്ടായിരുന്നു . (സിനിമയിലൊക്കെ മാത്രമേ ഇങ്ങനെ  ഒരു സീൻ കണ്ടിട്ടുള്ളു)  കണ്ണിലോക്കെ ഇരുട്ട് കേറുന്ന പോലെ , ആകെ മരവിച്ചു പോയ നിമിഷങ്ങൾ:( 
എന്നെ അവർ കൈ വിലങ്ങും വെച്ച് പുറത്തേക്കു നടന്നു .അവിടെ ഞാൻ  ജോലി  ചെയുന്ന കോളേജിലെ പ്രധാനപെട്ടവർ  എല്ലാവരും എന്നെയും കാത്തു പുറത്തു നില്ക്കുന്നുണ്ടായിരുന്നു ,കൂടെ എന്റെ സഹപ്രവർത്തകൻ   സൂരജും :)   അവർ പോലീസ് ഉദ്യോഗസ്ഥരോട് ഞാൻ തീവ്രവാദി അല്ല രാജ്യ സ്നേഹിയായ ഒരു ഇന്ത്യക്കാരിയാണെന്നൊക്കെ പറയുന്നുണ്ടായിരുന്നു .



മൊബൈൽ റിംഗ് ചെയ്യുന്ന ശബ്ദം കേട്ടാണ് പെട്ടെന്ന് ഞാൻ ഞെട്ടി ഉണർന്നത്. അപ്പോഴാണ് ഞാൻ ഇതുവരെ സ്വപ്നത്തിൽ ആയിരുന്നു  എന്ന യാഥാർഥ്യം  മനസിലായത് :)